დამზადებულია უმაღლესი ხარისხის საფერავის ჯიშის ყურნძისგან, მოწეული კახეთში, მუკუზნის მკაცრად კონტროლირებად მიკროზონაში გაშენებული შუმის კუთვნილი ვენახიდან „დედოფლის ვენახი“.
ღვინო დაძველებულია ფრანგულ ლიმუზენის მუხის კასრებში და წარმოადგენს ხარისხის უმაღლეს ეტალონს. ღვინო მუქი ლალისფერია, მკვეთრად გამოხატული ჯიშური არომატით. აქვს მწიფე ხილის გემო და რთული ბუკეტი. გააჩნია მაღალი ექსტრაქტიულობა და ჰარმონიული გემო. სასურველია მიირთვათ +16-18°С
„იბერიულის“ ხაზის ყველა ღვინო დამზადებულია „მწვანე რთველის“ მეთოდით მიღებული მოსავლისგან.
პირველად ქართული ღვინის წარმოების ისტორიაში, ღვინის კომპანია შუმმა 2005 წლიდან საკუთარ ვენახებში დაიწყო „მწვანე რთველის“ მეთოდის გამოყენება.
ეს მეთოდი მდგომარეობს მოსავლიანობის ხელოვნურად შეზღუდვაში, კერძოდ კი ყურძნის დამწიფებამდე ხდება ვაზზე მტევნების რაოდენობის მკვეთრი შემცირება, რის შედეგადაც ვიღებთ უმაღლესი ხარისხის მოსავალს.