„ქისი-მწვანე“ ახმეტური ქისიდან და სოფელ იყალთოს მიდამოებში დაკრეფილი კახური მწვანედანაა დაყენებული. ვინ, თუ არა ქართველმა გლეხმა იცის ამ ორი ძველი კახური ვაზის ჯიშის განსაკუთრებულ ხასიათი. თავმომწონე ქისის სურნელება კარგადაა შერწყმული ხალისიან მწვანესთან. ფერზე ღია ოქროსფერია, მზიანი, ღვინო ცინცხალი და სათუთი. ერთი ყლუპი და აივსები მისი სიხალასით, სინაზითაც. სურნელებში ჩვენებური საადრეო ატმისა და მწიფე ტროპიკული ხილის ტონები ჭარბობს. არომატი და გემო ჰარმონიულად ერწყმის ერთმანეთს. სასიამოვნო საზაფხულო ღვინოა.